Nóv. 2014
Haustið 2008 sendi ég frá mér plötuna „Ein handa þér“, mína fyrstu jólaplötu. Hlaut hún góðar viðtökur áhangenda minna og á fastan stað í hugum og hjörtum margra. Ég hef fregnað að ýmsir geti vart beðið eftir aðventunni með að draga hana fram og taki að hlýða á lögin strax á haustmánuðum. Á undanförnum árum hef ég undirbúið mig hægt og rólega fyrir aðra jólaplötu, safnað í sarpinn lögum sem ég hef dálæti á og tel að falli vel að þeim hátíðleika sem einkennir aðventuna. Að því leyti má segja að „Í desember“ kallist svolítið á við þá fyrri.
Með mér á þessari plötu syngja þau Eivør Pálsdóttir, Jón R. Jónsson, Ragnheiður Gröndal og eldri sonur minn, Birgir Steinn, sem er að stíga sín fyrstu skref á tónlistarbrautinni. Ég vonast til þess að áhangendur mínir taki þessari plötu opnum örmum og að hún eigi eftir að ylja þeim á aðventunni á komandi árum.
Lagalisti
- Í desember
- Jólin (þau eru á hverju ári)
- Ég þarf ekki margt um jólin
- Aftur hefur tíminn flogið
- Jólarómantík
- Það má ekki gleyma því
- Himnasending
- Á grænni grein
- Hin gömlu kynni
- Og klukkur klingja
- Fannhvít er jörð